27.09c
Երեվան
ուրբ, ապր 19
Այսօր՝ Երեքշաբթի առաւօտեան, հրէական ուժերը Թոպաս քաղաք ներխուժած են, որու հետեւանքով վիրաւորուած են 6 երիտասարդներ, որոնցմէ մէկուն վիճակը ծանր է։
Լուսադէմին, Թոպաս քաղաքին ներխուժած հրեական ուժերու կիրառած փամփուշտներու, ձայնային ռումբերու, թունաւոր եւ արցունքաբեր կազերու արձակման պատճառով 6 խաղաղ բնակիչներ վիրաւորուած են։
Բժշկական աղբիւրներու փոխանցմամբ՝ Կարմիր մահիկի աշխատակիցները բժշկական օգնութիւն տրամադրած են երիտասարդի մը, որ կրծքավանդակէն կրակոցներ ստացած է եւ անոր վնասուածքը «վտանգաւոր» է, իսկ առճակատման ժամանակ վերջոյթներու վնասուածք ստացած են 5 վիրաւորներ: Բոլոր վիրաւորները տեղափոխուած են հիւանդանոց բուժման համար։
Նշենք, որ հրէական ուժերը ձերբակալած էին Թոպասի 6 երիտասարդներ, որոնցմէ 4-ը ազատ արձակուած բանտարկեալներ էին։
