image

Բագրատ սրբազանի գլխաւորած երթը մայիս 6-ին կը շարունակուի Սեւանի թերակղզիէն

Բագրատ սրբազանի գլխաւորած երթը մայիս 6-ին կը շարունակուի Սեւանի թերակղզիէն

Տաւուշի թեմի առաջնորդ Բագրատ արքեպիսկոպոս Գալստանեանի գլխաւորութեամբ «Տաւուշը յանուն հայրենիքի» շարժման երթը մայիս 6-ին կը շարունակուի։ Այն մեկարկած է Սեւանի թերակղզիի խաչմերուկէն, ժամը 11:00-ին։

Այսօր ժամը 10:00-ին Քաղաք Աբովեանէպ անոնց միացած են նաեւ «Շիրակը յանուն հայրենիքի» շարժման անդամները:

Տաւուշի մէջ օրեր տեւած ցոյցերէն յետոյ մայիս 4-ին ցուցարարներու խումբը Կիրանցէն քայլերթով շարժած են Երեւան։ Ցուցարարները կը նախատեսեն մայրաքաղաք հասնիլ մայիս 9-ին։

«Տաւուշը յանուն հայրենիքի» շարժումը որոշած է, որ իր ժողովուրդով երթայ ուղղակի Երեւան ու պատասխաններ պահանջէ եւ պահանջը ձեւակերպէ, որ այս գործընթացը թէ՛ այստեղ, թէ՛ այլուր պէտք է դադրեցուի»,- երթի մեկնարկին ըսած է Տաւուշի թեմի առաջնորդը։

«Միակողմանի զիջումների այս աղէտալի ընթացքը վերջ ու սահման չունի. Հիւսիսից հարաւ մենք մեծ, անհասկանալի արիւնահոսութեան գործընթացքում ենք գտնւում։ Այս գործընթացը պէտք է դադարեցուի»,- քայլերթէն առաջ յայտարարած էր Բագրատ Սրբազանը։

Երէկ ան յայտարարած է, որ սա պարզ ազգային, հոգեւոր ընկալումներով ապրող, հայրենիք ունեցող մարդոց շարժում է, չունի որեւէ տեսակի եւ կերպի, որեւէ կուսակցութեան կամ կազմակերպութեան գունաւորում:

Ան ընդգծած է, որ այս շարժման մէջ պիտի ըլլան ե՛ւ կուսակցականներ, եւ՛ անկուսակցականներ, ե՛ւ հասարակական, ե՛ւ մշակութային գործիչներ, ե՛ւ հոգեւորականներ, ե՛ւ աշխարհականներ: