10.09c
Երեվան
հնգ, փտր 26
Սկսած են Ատրպէյճանի եւ Թուրքիոյ ռազմական անձնակազմերու մասնակցութեամբ կապի զօրքերու համատեղ մարտավարական եւ յատուկ զօրավարժութիւնները: Այս մասին գրած է minval.az կայքը` յղում տալով Ատրպէյճանի պաշտպանութեան նախարարութեան:
Զօրավարժութիւններու ընթացքին մարտական պատրաստութեան առաքելութիւններ կատարելու վայրեր տեղափոխուած ռազմական կապաւորները պիտի մշակեն հաղորդակցման միասնական համակարգի կազմակերպման խնդիրները:
Ժամանակակից կապի միջոցներու եւ ինքնաշխատացուած կառավարման համակարգերու միջոցով կայացող զօրավարժութիւններու ընթացքին կ'իրականացուին զօրքերու փոխգործակցութեան կազմակերպման, դաշտային հրամանատարական կէտերու տեղակայման եւ այլ գործողութիւններ:
