27.71c
Երեվան
շբթ, հնս 27
14 Հոկտեմբերին՝ ժամը 01:30-ի սահմաններուն, Ատրպէյճանի Զինուած Ուժերու ստորաբաժանումները տարբեր տրամաչափի հրաձգային զինատեսակներէ կրակ բացած են հայ-ատրպէյճանական սահմանի արեւելեան հատուածին մէջ տեղակայուած հայկական դիրքերու ուղղութեամբ:
ՀՀ պաշտպանութեան նախարարութենէն յայտնած են, որ ՀՀ Զինուած Ուժերու ստորաբաժանումները դիմած են պատասխան գործողութիւններու եւ լռեցուցած են հակառակորդի կրակը:
Միեւնոյն ժամանակ, Ատրպէյճանի պաշտպանութեան նախարարութիւնն ապատեղեկատւութիւն տարածած է՝ յայտնելով, թէ իբր ՀՀ Զինուած Ուժերու ստորաբաժանումները կրակ բացած են:
Այս պահու դրութեամբ իրավիճակը յարաբերականօրէն կայուն է:
