-8.91c
Երեվան
ուրբ, հնվ 02
G20-ի այս տարուան գագաթնաժողովը պիտի կայանայ 30-31 հոկտեմբերին:
Անդրադառնալով Լեռնային Ղարաբաղի հակամարտութեան կարգաւորման հարցի վերաբերեալ Իտալիոյ դիրքորոշման, դեսպանութենէն յայտնած են, որ այն յստակ է եւ կշռադատուած ու ներկայացուած է Իտալիոյ Արտաքին գործերու եւ միջազգային համագործակցութեան նախարարութեան 11 նոյեմբեր 2020-ի պաշտօնական յայտարարութեան մէջ:
«Իտալիան կ'ողջունէ Լեռնային Ղարաբաղի մէջ կրակի դադարեցման վերաբերեալ Ատրպէյճանի, Հայաստանի եւ Ռուսաստանի միջեւ եռակողմ յայտարարութիւնը եւ յոյսով է, որ այն ամբողջութեամբ կը պահպանուի: Մենք նաեւ ի գիտութիւն կ'ընդունինք կողմերու միջեւ ձեռք բերուած համաձայնութիւնները՝ յոյսով, որ անոնք նոր ուղի կը բանան տարածաշրջանի մէջ խաղաղութեան հաստատման եւ իրավիճակի կայունացման համար»,-ըսուած է յայտարարութեան մէջ: Իտալիոյ ԱԳՆ-ն նաեւ նշած է, որ, որպէս ԵԱՀԿ Մինսքի խումբի անդամ երկիր, իր լիակատար աջակցութիւնը կը յայտնէ համանախագահ երկիրներուն:
