13.09c
Երեվան
ուրբ, նմբ 22
Օրերս Յունաստանի մայրաքաղաք Աթէնքի մէջ տեղի ունեցած է հաւաք՝ յանուն Արցախի։
Այս մասին «Արեւելք» իմացաւ Աթէնքի մէջ տպագրուող «Ազատ օր» պարբերականէն։
Աղբիւրը նշած է, որ բացի Աթէնքէն հաւաքներ կայացուած են յունաստանեան տարբեր քաղաքներու մէջ, իսկ հաւաքները եղած են Եւրոպայի Հայ Դատի մարմնի նախաձեռնած «Եւրոպացիներ յանուն Արցախի» նախաձեռնութեան ծիրէն ներս։
Յունաստանի հայահոծ տարբեր քաղաքներու մէջ, ընդառաջելով համեւրոպական կոչին, յունահայութեան զանգուածները իրենց մասնակցութեամբ զօրավիգ կանգնեցան արցախահայութեան հիմնահարցին եւ պահանջեցին Ատրպէյճանի մէջ ապօրինաբար բանտարկուած Արցախի ղեկավարութեան անմիջական ազատագրումը։
Աթէնքի, Թեսաղոնիկէի, Սերրեսի եւ Գավալայի մէջ տարբեր հաւաքներու կազմակերպութեամբ, յունահայութիւնը իր ձայնը միացուց «Եւրոպացիներ յանուն Արցախի» շարժումին եւ պահանջեց կասեցնել Ատրպէյճանի յարձակողապաշտ քաղաքականութիւնը, որ Արցախի ապօրինի գրաւումէն ետք, կը սպառնայ նաեւ Հայաստանի հողային ամբողջականութեան վրայ։
Յունահայ գաղութի ազգային, քաղաքական, հոգեւոր, միութենական եւ կառուցային գործօններու համախմբումով, յունահայութիւնը որպէս մէկ ձայն իր բողոքի ընդվզումը արտայայտեց, ներկայացնելով թուրքեւատրպէյճանական հակահայ քաղաքականութեան հետեւանքները, որոնք լուրջ սպառնալիք կը դառնան տարածաշրջանէն ներս։
