16.09c
Երեվան
երք, հնս 17
Հինգշաբթի գիշերը ռուսական բանակը «Շահետ» տիպի գրոհային անօդաչու թռչող սարքերու միջոցով ռմբակոծած է Խարքով քաղաքը, յայտնած են քաղաքապետ Իկոր Թերեխովը եւ Խարքովի մարզային ռազմական վարչակազմի նախագահ Օլեկ Սինեկուպովը։ Անոնց տուեալներով՝ յարձակման հետեւանքով վիրաւորուած է առնուազն 11 մարդ։ Այս մասին գրած է dw.com-ը:
Թերեխովի խօսքով՝ ռուսական զինուած ուժերը գիշերը Խարքովին 12 հարուած հասցուցած են։ Անօդաչու թռչող սարքերէն մէկը հարուածած է դպրոցի տարածք, միւսը՝ բազմայարկ բնակելի շէնքի բակի մէջ գտնուող մանկապարտէզի խաղահրապարակ։ Բացի այդ, հարուածներ հասցուած են Խարքովի Սալթովսքի շրջանին մէջ գտնուող երկու բնակելի շէնքերու եւ մարզասրահի։
Հրթիռակոծութեան հետեւանքով վիրաւորուած է առնուազն 11 մարդ, այդ շարքին՝ չորս երեխայ, ըսած է քաղաքապետը։ «Հրթիռակոծութեան տակ յայտնուած են բնակելի թաղամասեր, կրթական հաստատութիւններ, մանկապարտէզներ եւ ենթակառուցուածքներ։ Տասնեակ մեքենաներ վնասուած են, դպրոցներու եւ տուներու պատուհաններ կոտրուած են», - թուարկած է Թերեխովը։
Խարքովը չորեքշաբթի գիշեր յարձակման ենթրակուած էր ռուս զինուորականներու կողմէ։ Յունիս 11-ի գիշերը զինուած ուժերը 17 «Շահետ» անօդաչու թռչող սարքերով հարուածած էին Խարքովի երկու շրջաններ՝ Սլոպոտսքոյի եւ Օսնովեանսքի։ Յարձակման հետեւանքով զոհուած էր երեք մարդ, 60-ը՝ վիրաւորուած, վիրաւորներու շարքին կար՝ եօթ երեխայ։
Յունիսին ռուսական զինուորականները քանի մը գիշեր շարունակ ռմբակոծած են Խարքովը։ Յունիս 7-ի գիշերը ռուսական զօրքերը քաղաքը ենթարկած են Ուքրանիա ներխուժման սկիզբէն ի վեր ամենազանգուածային հարուածներուն։ Թերեխովի խօսքով՝ քաղաքի վրայ արձակուած են 48 «Շահետ» գրոհային անօդաչու թռչող սարքեր, երկու հրթիռ եւ չորս կառավարուող օդային առումբ։ Այդ յարձակման ժամանակ զոհուած է վեց մարդ։
