31.86c
Երեվան
չրք, օգս 12
Ազգային ժողովի նախագահ Ալեն Սիմոնեանը Արցախի պետական հիմնարկներու պահպանումը Հայաստանի համար սպառնալիք կը համարէ։
«Արցախում պետականութիւն ստեղծելու կամ այստեղ պետականութեան ինչ-որ ինստիտուտներ պահելու կամ զարգացնելու նպատակ ես չեմ տեսնում: Համարում եմ, որ դա Հայաստանի անվտանգութեանը ուղիղ սպառնալիք է եւ հարուած»,- նոյեմբեր 15-ին լրագրողներու հետ ճեպազրոյցին ըսած է Սիմոնեանը։
Աւելի վաղ ՀՀ յատուկ յանձնարարութիւններով դեսպան Էտմոն Մարուքեանը եւս յայտարարած էր, որ Հայաստանի մէջ Արցախի պետական հիմնարկներու պահպանումը սպառնալիք է Հայաստանի անվտանգութեան։
Յիշեցնենք, որ Արցախի պատգամաւորներն ու ընդդիմութիւնը կ՚առաջարկեն Հայաստանի մէջ ստեղծել Արցախի վտարանդի կառավարութիւն՝ պահպանելով պետական հիմնարկներու գոյութիւնը։
