-2.91c
Երեվան
հնգ, դկտ 12
Ռուսիոյ պաշտպանութեան նախարարութիւնն իր ամէնօրեայ տեղեկագրին մէջ 24 հոկտեմբերի երեկոյեան հաղորդած է, թէ «ռուսաստանեան խաղաղապահ զօրախումբը կը շարունակէ խնդիրներու կատարումը Ղարաբաղի տարածքին մէջ»: «Անընդմէջ փոխգործողութիւն կը պահպանուի Պաքուի հետ՝ ուղղուած արիւնահեղութիւն թոյլ չտալուն, խաղաղ բնակչութեան անվտանգութեան ապահովման եւ բնակչութեան նկատմամբ միջազգային իրաւունքի նորմերու պահպանման», -ըսուած է հաղորդագրութեան մէջ:
Հայաթափուած Արցախի մէջ ռուս խաղաղապահները հրադադարի խախտում չեն արձանագրած: «Ճանապարհային ուղղութիւններով երթեւեկութեան անվտանգութեան ապահովման նպատակով վեց կայան տեղակայուած է, այդ շարքին երկուքը՝ ատրպէյճանական կողմի հետ համատեղ», -ըսուած է հաղորդագրութեան մէջ:
Ռուսերու մասնակցութեամբ կը շարունակուին «Ղարաբաղի բնակավայրերու ելեկտրա- եւ կազամատակարարման վերականգնման աշխատանքները»:
Տեղեկագրին մէջ նշուած է նաեւ, որ սեպտեմբեր 19-էն Ասկերանի, Մարտակերտի, Մարտունիի եւ Շուշիի շրջաններուն մէջ փակուած է ռուս խաղաղապահներու 24 դիտակէտ, որոնցմէ 16-ը՝ ժամանակաւոր:
