21.96c
Երեվան
շբթ, մյս 02
Արցախի նախագահ Արայիկ Յարութիւնեանը ստորագրած է հրամանագրեր եւ հաստատած կառավարութեան որոշում:
Համաձայն հրամանագրերու՝ Սրբուհի Արզումանեանն ազատուած է Արցախի Հանրապետութեան Նախագահի աշխատակազմի ղեկավարի առաջին տեղակալի պաշտօնէն եւ նշանակուած՝ Արցախի Հանրապետութեան արդարադատութեան նախարար:
Արամ Սարգսեանը նշանակուած է Արցախի Հանրապետութեան քաղաքաշինութեան նախարար:
Դաւիթ Բաբայեանն ազատուած է Արցախի Հանրապետութեան արտաքին գործոց նախարարի ժամանակաւոր պաշտօնակատարի պաշտօնէն:
Արցախի Հանրապետութեան արտաքին գործոց նախարար նշանակուած է Սերգէյ Ղազարեանը՝ ազատուելով Հայաստանի Հանրապետութեան մէջ Արցախի Հանրապետութեան մշտական ներկայացուցչի պաշտօնէն:
Արմէն Մանգասարեանը նշանակուած է Արցախի Հանրապետութեան ընկերային զարգացման եւ գաղթականութեան նախարար:
Նոյն օրը նախագահը հաստատած է կառավարութեան որոշում Արմէն Մանգասարեանը Արցախի Հանրապետութեան բնակարանային հարցերու կոմիտէի նախագահի պաշտօնէն ազատելու մասին:
Արցախի Հանրապետութեան բնակարանային հարցերու կոմիտէի նախագահի պարտականութիւնները ժամանակաւորապէս վերապահուած են կոմիտէի նախագահի տեղակալ Իննա Իշխանեանին:
