Ատրպէյճանը համաներում կը նախատեսէ ղարաբաղցի մարտիկներու համար, որոնք վար կը դնեն իրենց զէնքը, Reuters-ին ըսած է Ատրպէյճանի նախագահի խորհրդական Հիքմեթ Հաճիեւը՝ աւելցնելով, որ եղած են զօրամասեր, որոնք յայտարարած են, որ պիտի շարունակեն դիմադրութիւնը:
«Ներկայիս մենք կը տեսնենք առանձին բանակային խումբեր եւ սպաներ, որոնք հրապարակային յայտարարութիւններ ըրած են, որ պիտի չընդունին մեր պայմանները եւ պիտի շարունակեն դիմադրութիւնը: Մենք նաեւ կը տեսնենք, որ որոշ փոքր խումբեր կ'երթան անտառ: Բայց մենք այդ չենք համարեր անվտանգութեան մեծ մարտահրաւէր: Ի հարկէ, այդ որոշակի մարտահրաւէրներ եւ դժուարութիւններ կ'առաջացնէ, բայց ոչ այդքան մեծ մաշտապով»,- ըսած է ան: