24.65c
Երեվան
չրք, հնս 17
Նոյեմբեր 16-ին, Երեւանի Խորէն եւ Շուշանիկ Աւետիսեան դպրոցին մէջ տեղի ունեցած է ՏՏ կրթական նոր մոտելի մեկնարկի եւ ներդրման արարողութիւն:
Ծրագիրը կ'իրականացուի Ամերիկայի Հայ Աւետարանչական ընկերակցութեան (AMAA) աջակցութեամբ եւ ֆինանսաւորմամբ, Imagine Hub by Soft ընկերութեան ֆինանսաւորման եւ ծրագրային աջակցութեան շնորհիւ:
Ծրագիրը նպատակ ունի տարբեր տարիքային խումբերու դպրոցական երեխաներու համար կազմակերպել եւ իրականացնել փոխներգործօն ծրագրաւորման դասընթացքներ: Imagine Hub by Soft ընկերութեան ֆինանսաւորման շնորհիւ՝ յանձին ընկերութեան հիմնադիր
Վիգէն Պատալեանի, դպրոցին մէջ պիտի բացուին տրոնաշինութեան, ռոպոթաշինութեան, ճարտարապետական եւ սթարթափ ձեռնարկատիրութեան աշխատանոցներ:
Միջոցառման ընթացքին AMAA-ի, Imagine Hub by Soft-ի եւ Աւետիսեան դպրոցի միջեւ ստորագրուած է եռակողմ յուշագիր, որով տրուած է կրթական նոր ծրագրի մեկնարկը:
AMAA-ի եւ Imagine Hub by Soft-ի համագործակցութեան յաջորդ փուլը պիտի ըլլայ Քարպի համայնքին մէջ նորարարական կեդրոնի ստեղծումը։
