13.09c
Երեվան
երք, հկտ 13
Թուրքիոյ եւ Իսրայէլի միջեւ վեց տարի անց յարաբերութիւններու կարգաւորումէն ետք թրքական կողմը կը պատրաստուի առաջին պաշտօնական այցը կատարել Իսրայէլ: Թուրքիոյ Արդարադատութեան նախարար Պեքիր Պոզտաղ յայտարարած է, որ այցը պիտի կայանայ 7-8 Փետրուարին: Այս մասին կը տեղեկացնէ «T24.com.tr» լրատուական կայքը:
Թուրք նախարարին դէպի Իսրայէլ կատարելիք այցի ընթացքին պիտի քննարկուի զոյգ երկիրներու միջեւ ազատ առեւտուրի համաձայնագրի ընդլայնման հարցը:
Յիշեցնենք, որ վեց տարուան դադարէ ետք երկարատեւ բանակցութիւններու հետեւանքով Իսրայէլ 2016 թուականի 30 Սեպտեմբերին ի վերջոյ Թուրքիոյ Արդարադատութեան նախարարութեան հաշուին փոխանցած էր 20 մլն ԱՄՆ տոլար՝ «Մաւի Մարմարա»ի գործով որպէս փոխհատուցում:
Նշենք նաեւ, որ 2016 թուականի 13 Հոկտեմբերին Իսրայէլի Ուժանիւթի նախարար Եուվալ Շտայնից այցելած էր Թուրքիա: Նշուած այցելութիւնը 2010 թուականի «Մաւի Մարմարա»ի դէպքէն ետք երկու երկիրներու միջեւ նախարարի մակարդակով կատարուած առաջին այցն էր:
