22.09c
Երեվան
չրք, հկտ 14
Թուրքիոյ արտաքին գործոց նախարարութիւնը (ԱԳՆ) գրաւոր յայտարարութիւն տարածած է, ուր կը դատապարտէ Լեռնային Ղարաբաղի Հանրապետութենէն ներս 20 փետրուարին կայանալիք սահմանադրական փոփոխութիւններու հանրաքուէն:
Թրքական «Milliyet» թերթի կայքի տեղեկացմամբ, յայտարարութեան մէջ մասնաւորապէս նշուած է, որ Թուրքիան պիտի չճանչնայ այդ հանրաքուէի արդիւնքները:
«Այն վնաս կը հասցնէ Լեռնային Ղարաբաղի հակամարտութեան խաղաղ եւ մնայուն լուծում գտնելու համար գործադրուող ջանքերուն: Մեր երկիրը կը դատապարտէ այդ գործողութիւնը, որ Ազրպէյճանի ինքնիշխանութեան եւ տարածքային ամբողջականութեան նոր խախտում է: Թուրքիան չի ճանչնար այդ հանրաքուէն եւ անոր արդիւնքները»,- ըսուած է յայտարարութեան մէջ:
Թուրքիոյ ԱԳՆ-ի ազրպէյճանամէտ յայտարարութեան համաձայն, Արցախի մէջ կատարուելիք սահմանադրական փոփոխութիւններու հանրաքուէն կը հակասէ միջազգային իրաւունքի չափանիշերուն, ՄԱԿ-ի անվտանգութըան խորհուրդի որոշումներուն եւ ԵԱՀԿ-ի սկզբունքներուն:
