22.77c
Երեվան
կրկ, օգս 09
ԹՈՒՆԷՍ- («Ալ-Հայաթ»-Պէյրութ)- Ահաբեկչութեան դէմ պայքարող մարմիններու հետաքննութիւնները բացայայտած են, որ նախորդ Երեքշաբթի օր նախագահական անվտանգութեան հանրակառքը պայթեցնելու նպատակով անձնսապանութիւն գործող Ապու Ապտալլա Ալ-Թունիսիի, որու բուն անունը Հուսամ Ալ-Ապտալլա է, օգտագործած պայթուցիկներու աղբիւրը լիպիական հողերն են: Թունէսի ներքին գործոց նախարար Մուհամմատ Նաժէմ Ալ-Ղարսալի երեկ հերքեց այն հաղորդագրութիւնները, ուր կ'ըսուին, թէ անձնասպանութիւն գործող 27 տարեկան ահաբեկիչը կը պատկանէր անվտանգութեան մարմնին` հաստատելով, որ ան ընդամէնը թափառական վաճառող մըն էր:«Տահէշ»ի կողմէ ահաբեկչական գործողութեան որդեգրումէն յետոյ, որուն զոհ գացին 12 մեռեալ, Թունէսի ազգային անվտանգութեան խորհուրդը որոշեց հրատապ գործողութիւններ ձեռնարկել «թէժ կէտերէն» (Սուրիա, Իրաք, Լիբանան) վերադարձողներուն դէմ ՝ արտակարգ դրութեան օրէնքի ծիրէն ներս եւ առաւել խստացնել անվտանգութեան հսկողութիւնը, բոլոր ահաբեկչութեան մէջ կասկածեալներուն շուրջ: Ան, ընդարձակելով ահաբեկչութեան դէմ պայքարի ծիրը, արգելափակեց նաեւ այն կայքէջերն ու ընկերային ցանցերը, որտեղ ահաբեկչութեան քարոզչութիւն կը տարածուի: Այս որոշումներուն զուգահեռ տեղի ունեցած են զանգուածային ձերբակալութուններ, խուզարկուած են 526 վայրեր եւ ձերբակալուած 30 կասկածեալ: Այս ուղղութեամբ Թունէսի վարչապետ Հապիպ Ալ-Սայտ նշած է, որ ահաբեկչական կազմակերպութիւններու պատկանող 2600 անձ ձերբակալուած է, բացայատուած են 12 ահաբեկչութեան ֆինանսաւորող ցանցեր եւ Սուրիոյ կռուելու երիտասարդ ուղարկող 57 ցանցեր:
