9.67c
Երեվան
հնգ, ապր 23
Սուրիա- Քեսապի մէջ տեղեակ չեն Արթուր Վարդանեանի մասին: Այս մասին «Արեւելք» ճշդեց Քեսապի իր աղբիւրէն: Մեր աղբիւրը նաեւ նշեց, որ իրենք չեն լսած անոր գլխաւորած «Հայոց Վահան» խմբակին մասին կամ վերջինիս Քեսապի մէջ եղած մարտերուն մասնակցութեան մասին: Նշենք, որ մէկէ աւելի կայքեր երէկ տեսանիւթեր տեղադրած էին, ուր զինուորական տարազ հագած Վարդանեան կը խօսէր Սուրիոյ պատերազմին իր մասնակցութեան մասին: Աւելի վաղ հաղորդած էինք վերջինիս գլխաւորութեամբ եւ տասը հոգիներէ բաղկացող խումբի մը ձերբակալման մասին: Խմբակին դէմ մեղադրանք ցարդ չկայ, եւ հետաքննութիւնները կը շարունակուին: Հայաստանի Հանրապետութեան ԱԱԾ-ն հաղորդած էր, որ յանցախումբը կը պատրաստուի մեծ յանցագործութիւններ կատարել Երեւանի տարբեր շրջաններուն մէջ: Ձերբակալուածներուն մէջ կան սփիւռքահայեր:
