24.47c
Երեվան
ուրբ, օգս 07
Թուրքիա- («Սապահ Տէյլի Նիւզ»)- Ազգային Շարժում Կուսակցութեան (MHP) առաջնորդ Տեւլէթ Պահչելին քուէարկութիւններէն ի վեր կայացուցած խորհրդարանական խումբի նիստին գնահատելով ընտրութիւններու արդիւնքները խօսած է իշխող «Արդարութիւն եւ Զարգացում» Կուսակցութեան (AKP) կուսակցութեան կրած ջախջախիչ պարտութեան վերաբերեալ դերին մասին:Վերջինս, ընդունելով, որ MHP-ն իր ակնկալիքները չարդարացուց ընտրութիւններու վերաբերեալ, հաստատեց, որ ստացուած արդիւնքները պէտք չէ դիտել որպէս կուսակցութեան «պարտութեան» չափանիշ: Նշենք, որ MHP-ն կորսնցուց մօտաւորապէս երկու միլիոն ձայն` հինգ ամիսներու ընթացքին, մինչ AKP-ն աւելցուց իր ձայները՝ հասցընելով զանոնք մօտաւորապէս չորս միլիոնի:17 Նոյեմբերին Պահչելի յայտարարեց. «Մենք մեր ականջները չենք փակած քննադատութիւններու առաջ, մեր կուսակցութիւնը դասեր պիտի քաղէ զոյգ՝ 7 Յունիսի եւ 1 Նոյեմբերի ընտրութիւններէն»: Ան միաժամանակ մեղադրելով AKP-ի կողմէ դիտաւորեալ ստեղծուած հանգամանքները, ըսաւ. «Ընտրութիւնները իրականացան «արտասովոր եւ ժողովրդավարական հիմունքներու խախտման հանգամանքներու տակ»: Ապա անդրադառնալով MHP-ի այն քուէարկողներուն, որոնք Նոյեմբերի ընտրութիւններուն իրենց ձայները տուին AKP-ին, ան ըսաւ, որ MHP-ն կը հաւատայ, որ անոնց այլ կուսակցութիւններու քուէարկելը սրտանց չէր: Մինչդեռ, Պահչելիի սուր քննադատութեան արժանացան MHP-ի տարամիտ այն ձաները, որոնք վաղաժամ կուսակցական համագումար (խորհրդաժողով) կազմակերպելու կոչ ուղղեցին` ընտրելու համար կուսակցութեան նոր առաջնորդ: Այդ ձայները Պահչէիլիի կողմէ որակուեցան որպէս AKP կուսակցութեան քարոզիչներ: «Ասոնք այն մարդիկն են, որոնք կ'ուզեն, որ MHP-ն փակուի: Անոնք այժմ կը համախմբուին նախագահութեան շուրջ»,- ըսաւ ան, նման այլախոհները բնորոշելով որպէս «քաղաքական նորակոչիկներ», որոնք վաճառքի հանուած են: «Անոնք, որոնք կը պահանջեն վաղաժամկէտ խորհրդաժողով՝ (AKP)-ի քարոզիչներ են»,- ըսաւ MHP-ի ղեկավարը:Պահչելի նաեւ յանցաւոր գտաւ Թուրքիոյ նախագահ Ռեճէպ Թայէպ Էրտողանը, 7 Յունիսէն ետք կառավարութեան ձեւաւորման գործին օժանդակելէ հրաժարելուն համար, որովհետեւ քոալիցիոն կառավարութեան մը կազմումը կրնար վերջինէս հաշիւ պահանջել:Ան նոյնպէս քննադատեց Ժողովրդական Դեմոկրատական կուսակցութիւնը (HDP)` AKP-ին «կանաչ լոյս» տալուն համար, երբ անոր կարգ մը անդամները առաջ տարին Թուրքիոյ համար հզօր նախագահութեան կառավարման մօտելի մը շուրջ քննարկման հարցը, տեսակէտ մը, որ կ'որդեգրուի նաեւ AKP-ի եւ նախագահ Էրտողանի կողմէ:
