9.67c
Երեվան
հնգ, ապր 23
Պոլսոյ մէջ Մարիձա Քիւչիքը ծեծելով (28 Դեկտեմբեր 2013 ) սպաննելու մեղադրանքով բանտարկուած Մուրատ Նազարեանի դատական վճիռը պիտի հրապարակուի յառաջիկայ 2 Դեկտեմբերին: Այս մասին այսօր գրած է «Ակօս»ը, որ նաեւ կը հաղորդէ, թէ Նազարեանի դատական գործին մասնակցող փաստաբանը դժգոհութիւն յայտնած է, որ Քիւչիքի սպաննութեան դէպքի վայրին մէջ իր կողմէ դատարան տարուած արիւնոտ լաթի կտորին քննութիւնը ամբողջական չէ եղած: Դատական գործի ընդհանուր դատախազը նաեւ յայտարարած էր, որ Քիւչիքի սպաննութեան ատեն մէկէ աւելի անձեր ներկայ եղած են: Գլխաւոր մեղադրեալ Մուրատ Նազարեան, որ կը շարունակէ լռութիւն պահել, կրնայ դատապարտուիլ ցկեանս բանտարկութեամբ: Յիշեցնենք, որ նոյն օրերուն Պոլսոյ Սամաթիա շրջանին մէջ հայ տարեցներու դէմ մէկէ աւելի յարձակումներ եղած էին:
