13.09c
Երեվան
կրկ, հկտ 11
Լիբանանի նորընտիր նախագահ Միշէլ Աուն յառաջիկայ շաբթուան ընթացքին կը պատրաստուի մեկնիլ Սէուտական Արաբիա եւ Քաթար՝ երկկողմանի յարաբերութիւններն ու տարածաշրջանի խնդիրները քննարկելու: Այս մասին կը հաղորդէ Քաթարի «Քանա» գործակալութիւնը:
Նախագահական պալատի մամլոյ խօսնակ Ռաֆիք Շալլալայի յայտարարութեան համաձայն, Աուն նախ պիտի այցելէ Սէուտական Արաբիա՝ յառաջիկայ Երկուշաբթի եւ Երեքշաբթի, որմէ ետք երկօրեայ այցով պիտի մեկնի Քաթար:
Յիշեցնենք, որ Աուն զոյգ երկիրներն այցելելու հրաւէրներ ստացած էր 2016 թուականի Նոյեմբերին Պէյրութ այցելած Մէքքայի Էմիր Խալէտ Ալ Ֆայսալին եւ Քաթարի Արտաքին Գործոց նախարարին կողմէ:
Նշենք, որ Լիբանանի եւ Արաբական Ծոցի երկիրներու փոխյարաբերութիւններու կարգաւորումը Աունի դէմ ծառացած գլխաւոր խնդիրներէն մէկն է:
