Օրեր  առաջ    մեծ  աղմուկ բարձրացած է  Սուրիոյ Համա  քաղաքի  ընկերային ցանցերուն վրայ,  երբ քաղաքի   մանկապարտէզներէն  մին  մերժած է ընդունիլ Մուսթաֆա  Մահմուտ Ռապիհայի   չորս  տարեկան  դստեր՝ Միրնայի   մանկապարտէզին  աշակերտիլը:

Այս  մասին    գրած է  «Ալ  Ժատիտ»  կայանը,  որ  նաեւ կը փոխանցէ, թէ      Միրնայի  հօր անուղակիօրէն  տեղեկացուցած են, որ     իր   աղջնակը   «վախի մթնոլորտ մը կը տարածէ   դպրոցին մէջ եւ     երեխաները կը  վախնան  անկէ»:

Հայրը   աւելի ուշ  դիմած է   քաղաքի  կրթութեան  նախարարութեան  վարչութիւն՝  պարզաբանում  պահանջելով եղած      դէպքին վերաբերեալ:  Աւելի  ուշ  դպրոցը  դիմատետրի իր   էջին հաղորդագրութիւն մը տարածելով    գրած է,  որ      Միրնայի    դպրոց  չընդունուիլը կապուած է    դասարանին  մէջ    բաւարար  տեղեր չըլլալուն հետ եւ այս մասին որեւէ այլ  մեկնաբանութիւնը    ընդունելի չէ:

Աղբիւրը նաեւ կը հաղորդէ, որ աւելի ուշ   մանկապարտէզի  պատասխանատուները   յայտնած են, որ Միրնա կրնայ   իր դասարան   վերադառնալ, բայց  վերջինիս հայրը   մերժած է  ընդառաջել   առաջարկին:

  «Մեր  սիրտը կոտրեցին եւ հիմա  կ'ուզեն,  որ ետ դառնանք:  Ընդունելի չէ  եղածը»  ըսած է  Ռապիհա  եւ նշած, որ  հարցը  յանձնուած է կրթական   մարմիններու ուշադրութեան: 

«Ալ ժատիտ»  նաեւ կը յայտնէ, որ  շնորհիւ ընկերային  ցանցերու   եւ կարգ մը   օգտատէրերու աշխուժութեան  հնարաւոր եղաւ      բարձրաձայնել այս  խնդիրը, նշելով նաեւ, որ   սուրիական  ընկերութիւնը բաւական     մեծ  բարդոյթներու   առջեւ կը  կանգնի: