16.09c
Երեվան
կրկ, հկտ 18
Լիբանանեան բանակի տեղեկատուութեան բաժանմունքի պետ զօր. Ալի Քանսո, որ այսօր պաշտպանութեան նախարարութեան կեդրոնատեղիէն ներս մամլոյ ասուլիս մը տուաւ յայտարարեց, որ բանակը անպայման յաղթական դուրս պիտի գայ այս ճակատամարտէն: Զօրավարը նաեւ ըսաւ, որ բանակին ու «Հըզպալլա»ին կամ Սուրիոյ բանակին միջեւ համագործակցութիւն չկայ:
Ըստ Լիբանանցի զօրավարին այս ճակամարտը «բանակի մղած ամէնէն դժուար ճակատամարտը կը համարուի, եթէ նկատի առնենք ճակատամարտի վայրը, աշխարհագրական տուեալները եւ թշնամին,որ «Տահէշ» ահաբեկչական խմբաւորումն է»:
Զօր. Քանսո նոյնպէս դիտել տուաւ, որ իրենց ունեցած տեղեկութիւններով Ռաս Պաալպէքի եւ Պեքաայի լեռնային հատուածներուն մէջ գտնուող ահաբեկիչներուն թիւը կը հասնի 600-ի եւ անոնք վտանագաւոր են, որովհետեւ նոյնպէս մահապարտներ են եւ պատրաստ անձնասպանական գործողութիւններու:
Զօրավարը իր խօսքը եզրափակելով յայտնեց, որ «ինչքան դժուարին ըլլան պայմանները եւ ինչքան մեծ ըլլան զոհողութիւնները բանակը պիտի յաղթէ այս ճակատամարտը, տրուած ըլլալով, որ ամբողջ Լիբանանը այսօր կանգնած է բանակի կողքին»:
