24.09c
Երեվան
կրկ, սպտ 13
Հայաստանի Ազգային գրադարանի թամանեանական մասնաշէնքի ընթերցասրահէն ներս 4 մարտին ժամը 13.00-ին տեղի պիտի ունենայ քնարերգու բանաստեղծ Յովհաննէս Ղազարեանի «Աղօթարան» պոեմի շնորհահանդէսը՝ ձօնուած յունահայոց թեմի Առաջնորդ, Գերաշնորհ Տէր Խորէն Արքեպիսկոպոս Տողրամաճեանին: Շնորհահանդէսը կազմակերպած են Հայկական ուսումնասիրութիւններու «Անի» կեդրոնը, Հայաստանի Գրողներու միութիւնը եւ Հայաստանի Ազգային գրադարանը: Միջոցառման ներկայ պիտի ըլլան բանաստեղծ Յովհաննէս Ղազարեանի գրչակից ընկերները, Գրողներու միութեան ղեկավարութիւնը եւ ազգային, քաղաքական ու պետական գործիչներ: Շնորհահանդէսին ներկայ պիտի ըլլայ նաեւ Խորէն Արք. Տողրամաճեանը:
Գրողներու միութեան անդամ Յովհաննէս Ղազարեանը բազմաթիւ բանաստեղծութիւններու, քառեակներու, պոեմներու հեղինակ է, որոնք ամփոփուած են «Նոր ձայներ», «Ինքնանկար», «Վարդէ անձրեւ», «Իններորդ ալիք» եւ այլ ժողովածուներու մէջ:
