25.78c
Երեվան
կրկ, հնս 28
Ռուսական «Սուապոտնայա Բրէսա» թերթը յօդուած մը հրապարակած է «Իտլէպի ազատագրման նախապատրաստական գործողութիւններ»ու մասին:
Յօդուածագրը նշած է, որ նախքան սուրական ուժերու հիւսիսային շրջաններ հասնիլը, Թուրքիա սկսած է Իտլիպի մէջ ուժեղացնել իր ռազմակէտերն ու նոր հենակէտեր ստեղծել:
Թերթին փոխանցմամբ, Ռուսիա մէկ ամիս պայմանաժամ տուած է Անգարային, Իտլիպի հարցը լուծելու համար, շեշտելով, որ եթէ վերջինս ձախողի ըստ պահանջուածի լուծել այն, ամբողջ Իտլիպը պիտի թիրախաւորուի Սուրիոյ բանակին կողմէ:
Միւս կողմէ թրքական կողմը կը ջանայ միաւորել Իտլիպի մէջ կեդրոնացած ուժերը, եւ նման նախագիծի յաջողութեան պարագային, այնտեղ կրնայ 70 հազար զինեալէ բաղկացած բանակ հաւաքուիլ:
Միաժամանակ թերթը կարծիք յայտնած է, որ Ռուսիա եւ Թուրքիա շահագրգռուած չեն հակամարտութիւններու ալիք ստեղծելու, որովհետեւ այն կրնայ անյաջողութեան մատնել Ասիտանայի բանակցութիւնները:
