35.99c
Երեվան
չրք, հլս 29
ՀՀ Ազգային ժողովի «Իմ քայլը» խմբակցութեան անդամ Էտկար Առաքելեանը այլեւս պատգամաւոր չէ: Այսօր այս մասին յայտարարեց Ազգային ժողովի նախագահ Արարատ Միրզոյեանը:
«Հիմք ընդունելով պատգամաւորի դիմումը, եւ առաջնորդուելով «Ազգային ժողովի կանոնակարգ» Սահմանադրական օրէնքի 154-րդ յօդուածի առաջին մասի 6-րդ կէտի պահանջով, այսուհետեւ դադրած կը համարենք «Իմ քայլը» կուսակցութիւններու դաշինքի համապետական ընտրական ցուցակով ընտրուած պատգամաւոր Էտկար Առաքելեանի պատգամաւորի լիազօրութիւնները: Այս մասին համապատասխան գրութիւն ուղարկած եմ ԿԸՀ նախագահ Տիգրան Մուկուչեանին»,- ըսած է Միրզոյեանը:
30 Օգոստոսին Էտկար Առաքելեանը յայտնած էր իր պատգամաւորական մանդատը վար դնելու որոշման մասին՝ վստահեցնելով, որ որոշումը բացառապէս իրն է եւ պարտադրուած չէ որեւէ մէկուն կողմէ:
