18.09c
Երեվան
հնգ, հկտ 01
Լիբանան-(«Ալ-Ժատիտ»-Պէյրութ)- Լիբանանի ընդհանուր ապահովութեան տնօրինութիւնը յայտարարած է, որ ձերբակալուած է բանակի զինուոր Ապաս Մըտլէժը մորթող ահաբեկիչը: Այս մասին մանրամասնելով՝ «Ալ-ժատիտ» կը տեղեկացնէ, որ անվտանգութեան ուժերու կողմէ իրականացուած ահաբեկչական ցանցերու հետապնդումի եւ բացայայտումի աշխատանքներու ընթացքին ձերբակալուած է ահաբեկչական կազմակերպութեան անդամ Սուրիոյ քաղաքացի մը:(Շ. Ճ.): Աւելի ուշ անվտանգութեան կողմէ եղած յայտարարութեամբ մը, պարզուած է, որ հետաքննութեան արդիւնքով Շ. Ճ. կոչեալ ձերբակալեալը խստովանած է իր «Տահէշ»ի ահաբեկչական կազմակերպութեան պատկանելիութիւնը: Ձերբակալեալը խոստովանած է, որ ինք անձամբ սպաննած է զինուոր Ապաս Մըտլէժը, եւ իրականացուցած է ներքին անվտանգութեան տեղեկատուական բաժնի առաջին լիազօր Ըզզ Ալ-Տինի սպաննութիւնը: Ան խոստովանած է լիբանանեան բանակի կեդրոններու վրայ զինեալ խումբերու իրականացուցած յարձակումներուն իր ներգրաւուած ըլլալը, որ գրանցուած է Ժըրուտ Արսէլի շրջակայքը, 2 օգոստոս 2014-ին, ինչպէս նաեւ խոստովանած է այլ զինուրականներու առեւանգման եւ սպանութեան գործողութիւններու իր մասնակցութիւնը: Հետաքննութեան աւարտէն ետք, ձերբակալեալը յանձնուած է իրաւասու դատարանին եւ աշխատանքներ կը տարուին ձերբակալելու ոճիրներու մէջ ներգրաւուած մնացեալ յանցագործները:
