24.09c
Երեվան
երք, հկտ 20
Ռուսական բանակը Սուրիոյ ծովեզերեայ շրջանին մէջ, Հմէյհէմի եւ Թարթուսի ռազմակայաններուն միջեւ գտնուող տարածքին մէջ Միջին Արեւելքի խոշորագոյն ռազմական հիւանդանոցը կառուցել կը պատրաստուի, կը գրէ «Ալ Տիար» լրատուական կայքը:
Աղբիւրին համաձայն, հիւանդանոցը պիտի ղեկավարուի ռուս բժիշկներու կողմէ, պիտի ընդգրկէ 10 հազար մահճակալ, այսինքն 10 հազար հիւանդ ընդունելու կարողութիւն պիտի ունենայ, 6 վերգետնեայ եւ 3 ստորգետնեայ յարկերէ բաղկացած պիտի ըլլայ:
Ռուսիայէն ժամանած 4 հազար բժիշկ եւ 10 հազար բուժօգնող պիտի սպասարկեն հիւանդանոցը, որուն կառուցման եւ սարքաւորումներու տեղադրման աշխատանքները մէկ տարուան ընթացքին պիտի աւարտին:
Նշուած է, որ կառուցուելիք հիւանդանոցը Ռուսիոյ պետութեան սեփականութիւնը պիտի հանդիսանայ, եւ ոչ Սուրիոյ պետութեան:
