16.09c
Երեվան
ուրբ, ապր 19
Սան Ֆրանսիսքոյի Ս. Գրիգոր Լուսաւորիչ եկեղեցւոյ կից գտնուող Հայ կեդրոնին մէջ անյայտ անձեր հրդեհ յառաջացուցած են՝ պատճառելով նիւթական մեծ վնասներ։
Այս մասին տեղեկութիւնը տուած է Լոս Անճելըս հրապարակուող «Ասպարէզ»ը։
Կը նշուի նաեւ, որ Սան Ֆրանսիսքոյի հայկական համայնքի պատասխանատու մարմիններ դիմած են տեղի օրինապահ մարմիններուն՝ բացայայտելու ազգային ատելութեան հողին վրայ կատարուած այս յարձակումին ծալքերը:
Յիշեցնենք, որ ատրպէյճանամէտ եւ թրքամէտ խուլիկաններ անցնող յուլիսին յարձակած էին Սան Ֆրանսիսքոյի Գռուզեան-Զաքարեան-Վասպուրական Ազգային վարժարանին եւ անոր կից գտնուող Հայ կեդրոնին վրայ, ատելավառ հայհոյանքներ գրելով եւ Ատրպէյճանի դրօշակին գոյներով ներկելով անոնց արտաքին պատերը:
