21.09c
Երեվան
երկ, հլս 07
ՌԴ նախագահ Վլատիմիր Փութինը հեռախօսազրոյց ունեցած է Ատրպէյճանի նախագահ Իլհամ Ալիեւի հետ: Քրեմլի փոխանցմամբ՝ զրոյցը կայացած է ատրպէյճանական կողմի նախաձեռնութեամբ:
Կողմերը կարծիքներ փոխանակած են տարածաշրջանին մէջ առկայ խնդիրներուն վերաբերեալ՝ քննարկելով յուլիսին հայ-ատրպէյճանական պետական սահմանին իրավիճակի սրումը: Ռուսական կողմն ընդգծած է, որ պէտք չէ թոյլ տալ որեւէ գործողութիւն, որ կրնայ նպաստել լարուածութեան սրման:
Ալիեւը շնորհաւորած է Փութինը «Քորոնա» ժահրի դէմ ռուսական պատուաստանիւթի գրանցման առթիւ:
Քրեմլի մամուլի ծառայութիւնը նաեւ յայտնած է, որ երկու երկիրներու ղեկավարները քննարկած են երկկողմ յարաբերութիւններու օրակարգի թեմաներ եւ «հաստատած են բոլոր ոլորտներուն մէջ ռուս-ատրպէյճանական յարաբերութիւններու հետագայ ամրապնդման փոխադարձ պատրաստակամութիւնը»:
