ՀՀ Պաշտպանութեան Նախարար Վազգէն Սարգսեանի անուան ռազմական համալսարանի հրամանատարաշտապային ֆակուլտետի պետ, Պաշտպանութեան Նախարարութեան նախկին խօսնակ՝ Արծրուն Յովհաննիսեան վստահ է, որ 13 յուլիսը կը մտնէ պատմութեան մէջ, որպէս հայկական արտադրութեան մարտական ԱԹՍ-ներու (Անօդաչու Թռչող Սարք) մարտական կիրառութեան օր:
«Առաջին անգամ հայկական մարտական ԱԹՍ-ները կիրառուեցան պատերազմի ժամանակ՝ մարտական պայմաններու մէջ եւ փայլուն արդիւնքներ արձանագրեցին: Կարծես անոնց հարուածին զոհ դարձած են բարձրաստիճան զինուորականներ»,– Facebook—ի իր էջին վրայ գրած է Յովհաննիսեան: