Հայաստան չէ պարտուած, իսկ Ատրպէյճանն աւերուած է. Ատրպէյճանցի լրագրողԱտրպէյճանցի լրագրող՝ Աֆղան Մուխթարլին խոր ափսոսանք յայտնած է, որ Հայաստանը չէ պարտուած, բայց Ատրպէյճանը աւերուած է. կը հաղորդէ TolishMedia-ն։
Նախիջեւանի պայմանագիրի ժամկէտը կը լրանայ 2021-ի մարտին: Ռուսաստանը չուզեր զայն թարմացնել: Այս է պատերազմի պատճառներէն մէկը: «Խոր ափսոսանքով կ'ըսեմ, որ Ատրպէյճանը կը կորսնցնէ Մինկեչաուրի ջրամբարը եւ Հայաստանը կը ստանայ Ռուսաստանի հետ ուղիղ սահման»,- գրած է լրագրողը:
Արցախը կը ստանայ ՄԱԿ-ի մանտաթ, Ռուսաստանը կը դառնայ երաշխաւոր, խաղաղապահներ կը տեղակայուին, Արցախի տարածքը կ'ընդլայնուի մինչեւ Ռուսաստանի սահմաններ եւ Ատրպէյճանը կը կորսնցնէ Մինկեչաուրի ջրամբարը:
Փաստացի, Հայաստանը Ռուսաստանի կազմէն ներս կը ստանայ առանց այդ ալ անխոցելի Արցախը, Ռուսաստանի հետ կը ստանայ ուղիղ սահման, կը վերանան երթեւեկութեան կախուածութիւնը Վրաստանէն եւ Հայաստանի 30-ամեայ շրջափակումը:
Թուրքիան կը ստանայ Նախիջեւանը, կ'ապահովէ Ալիեւներու խմբակը, բայց ոչ կառավարութեան անվտանգութիւնը: Իսկ 2021-ին հայ-ռուսական դաշինքը ետ կը վերցնէ Նախիջեւանը Թուրքիայէն:
«Ալիեւը պէտք է պատասխանատւութիւն կրէ մարդոց առջեւ աւելի քան 15,000 կեանքերու եւ հողերու կորուստին համար»,- յայտարարած է Ատրպէյճանցի լրագրողը։