image

Աֆրինի վիճակը հանգիստ չէ. Ի՞նչ կը կատարուի թրքացման վտանգի տակ գտնուող Սուրիոյ Աֆրին քաղաքին մէջ (Վիտէօ)

Աֆրինի  վիճակը  հանգիստ չէ. Ի՞նչ   կը կատարուի  թրքացման վտանգի տակ  գտնուող Սուրիոյ Աֆրին  քաղաքին մէջ (Վիտէօ)

Անցնող   օրերուն      թրքական ուժերու եւ  Անգարայի  անմիջական     նեցուկը վայելող  ռատիքալիստ խմբաւորումներու տիրապետութեան տակ եղող  Աֆրին  քաղաքին  մէջ    անսպասելի   զարգացումներ  գրանցուած են։

 

Գրանցուած  են   ապահովական միջադէպեր  եւ քաղաքին մէջ  որոտացած են  տասնեակ պայթումներ։

Ուշագրաւ  փաստ է,  որ   թրքական  բանակի այդ  շրջան  ներխուժումէն ետք  (Աֆրինը  գրաւուեցաւ  2018   թուականի  Մարտին) Անգարա  մեծ  միջոցներ  գործի կը  լծէ` թրքացնելու համար Աֆրինը   եւ այդ  առումով  ալ   տեղի կ՚ունենան    Աֆրինը  թրքական   դարձնելու  միտուած    քայլեր։

 

Սկսած    կրթական  ոլորտէն   եւ հասնելով մինչեւ ընկերային  ծառայութիւններ եւ ելեւմտական   ոլորտ`  Թուրքիոյ  իշխանութիւնները   սիստեմաթիք  կերպով կը փորձեն      մեծ  փոփոխութիւններ առաջացնել եւ Աֆրինը      դնել «թրքականացման»  հունի մը մէջ։

Այս  բոլորէն անդին սակայն   աւելի քան բացայայտ  է, որ     այդ քաղաքին մէջ  գործող ռատիքալիստ  ուժեր  ունին  եւ ունեցած են   բաւական  սուր  եւ խոր տարակարծութիւններ, որուն հետեւանքով ալ,  ինչպէս վերը նշեցինք ,  քաղաքին  մէջ   այս   շաբաթներուն կը տիրէ  ապահովական   խոցելի  եւ մտահոգիչ  վիճակ մը։

Այս  բոլորէն   անդին   իրականութիւն   է նաեւ, որ  Աֆրինի  իրական  տէրերը` Սուրիոյ քիւրտ  քաղաքացիները, որոնցմէ  շատ-շատերը   հեռացած են Աֆրինէն մօտէն կը հետեւին  զարգացումներուն եւ  կը սպասեն  յարմար պահու մը   նպատակ ունենալով Աֆրինը  ազատագրել   եւ  զայն   վերադարձնել Սուրիոյ պետութեան  գիրկը։

 

Ի դէպ, միայն  անցեալ շաբաթ  Աֆրինի մէջ գրանցուած են տասնեակ   պայթումներ եւ   ռատիքալիստ խմբաւորումներ   իրար   հարուածելու նպատակով քաղաքին վրայ  նետած են     տասնեակ «հաուըն» տիպի  հրթիռներ։

Յստակ  է, որ  միջազգային  բոլոր  ընդունուած նորմերը  խախտել   փորձող եւ  Սուրիոյ    այդ  հատուածը    թրքացնել  փորձող  Էրտողանեան ռեժիմի   բոլոր կամակատարներուն   ճիգերը   պիտի    ձախողին  ու յստակ է նաեւ,  որ Աֆրինը պիտի  վերադառնայ իր  արդար իրաւատէրերուն։ Մնացեալը  ժամանակի  հարց է։