«Անգարայի ցոյցին մասնակցեցայ խաղաղութեան համար» «Արեւելք»ին ըսաւ Ռուտի Սայաթ Փոլատեան: Փոլատեան, որ վիրաւորուած էր Անգարայի ցոյցին ժամանակ գրանցուած ահաբեկչկան պայթումին հետեւանքովդիտել տուաւ, թէ իրենք ցոյց ըրած էին յանուն խաղաղութեան: Փօլատեան նաեւ ըսաւ, որ ինք անդամ է HDP կուսակցութեան եւ իրենց աշխատանքները իշխող AKP կուսակցութեան սխալ քաղաքականութեան հակազդելու համար են: «Ցոյցի ընթացքին եղած պայթումին հետեւանքով 102 անձեր սպաննուեցան, բայց մենք կը շարունակենք մեր պայքարը» ըսաւ ան դիտել տալով, որ Թուրքիոյ բոլոր շրջանները կը գտնուին պատերազմի լուրջ սպառնալիքի տակ: «Ան, որ AKP կուսակցութեան կարծիքէն զատ այլ կարծիք ունը այսօր կը գտնուի ձերբակալուելու եւ բանտը նետուելու վտանգին դիմաց»: Փօլատեան նաեւ ըսաւ, որ Պոլսոյ եւ տարբեր շրջաններու մէջ HDP կուսակցութեան դէմ ճնշումի շեշտուած քաղաքականութիւն կը գործղադրուի եւ երէկ իշխանութիւնները արգելք հանդիսացած են, որ HDP իր նախընտրական ծրագիրը տարածէ: Փօլատեան, որ կարեւորեց 1 Նոյեմբերին տեղի ունենալիք խորհրդարանական ընտրութիւնները նաեւ նշեց, որ «Թուրքիոյ մէջ խաղաղութիւն ուզողները պիտի յաղթեն եւ պատերազմ ուզողները պիտի պարտուին»: