13.09c
Երեվան
երկ, ապր 27
«Եթէ քարոզարշաւը գրագէտ լինի, ինչը չեմ կարող պնդել, պոտենցիալներն (հնարաւորութիւններն) այսպիսինն են՝ «Հայաստան» դաշինք, «Քաղաքացիական պայմանագիր», «Պատիւ ունեմ» դաշինք եւ ԲՀԿ։ Բայց կը լինի այսպէս, թէ` ոչ, դժուար է ասել, որովհետեւ պոտենցիալը մի բան է, դրա իրականացնումը լրիւ այլ բան»,-ըսած է ան։
Պատալեանի խօսքով` քարոզարշաւն արդէն մեկնարկած է. «Քանի որ տեսնում ենք «Պատիւ ունեմ»-ի այցը Գեղարքունիքի մարզ, որտեղ շեշտադրումը կատարուում է Արթուր Վանեցեանի վրայ, մեկնարկել է նաեւ «Բարգաւաճ Հայաստանի» քարոզարշաւը` Ծառուկեանը հանդիպումներ է ունենում քաղաքացիների հետ Մալաթիա-Սեբաստիայում, գիւղերում, վարչապետի նախընտրական քարոզարշաւը 2018 թուականից շարունակուում է մինչեւ հիմա, իսկ երկրորդ նախագահի քարոզարշաւը դեռեւս չի մեկնարկել, ինչը տրամաբանական չէ, քանի որ շատ քիչ է մնացել, պաշտօնական քարոզարշաւը 12 օր է տեւելու ընդամէնը: Գրագէտ քարոզարշաւ եմ կանխատեսում, ինչը դեռ չեմ տեսնում, սակայն դեռ չեմ նշի՝ որն է թերութիւնը։ Իսկ վարչապետի քարոզարշաւը չի էլ դադարել, նա այդպէս էլ մնաց, որպէս թերթի խմբագիր, որն ապրում է տուեալ օրուայ կարգով»։
Պատասխանելով հարցին, թէ հնարաւոր է իշխանութիւնը ճնշումներ գործադրէ ընդդիմադիր ուժերու վրայ, քաղաքագէտը ըսած է, որ կրնան նման փորձեր ըլլալ:
«Փորձելու են ճնշումներ գործադրել, չեմ կարող ասել՝ յաջողութիւն կ'ունենան, թէ ոչ, բայց արդէն անուղղակի տեղեկութիւններ են գալիս, որ ուժային կառոյցների վարչական ռեսուրսը (միջոցը) իշխանութիւնները փորձում են օգտագործել յօգուտ իրենց»,- աւելցուցած է ան։
