16.09c
Երեվան
շբթ, մյս 30
Հայերուն համար ընդունելի ամէն ինչ, Ռուսիոյ համար լաւ է։ Ըրէք այն, ինչ ձեզի յարմար է,–այս մասին յայտարարած է Ռուսիոյ նախագահ Վլատիմիր Փութին։
Անոր խօսքով՝ Եւրոպական Միութեան հետ մերձենալու նպատակով Երեւանի կողմէ ընդունուող որեւէ որոշում պիտի չվնասէ Մոսկուայի հետ մարդասիրական կապերուն։ Միեւնոյն ժամանակ, Փութին նշած է, որ Ուքրանիոյ ճգնաժամը սկսած է Եւրոպական Միութեան անդամակցելու փորձերէն։
Ռուսիոյ նախագահը ընդգծած է, որ եթէ Հայաստանը սկսի անցում կատարել Եւրոպական Միութեան չափանիշներուն, ապա Հայաստանի համարկումը Եւրասիական Տնտեսական Միութեան մէջ առարկայականօրէն պիտի ստիպուի դադրեցնել։
Ան նաեւ նշած է, որ Եւրասիական Տնտեսական Միութենէն դուրս գալու պարագային Հայաստանի քաղաքացիներուն նկատմամբ պիտի գործադրուին գաղթականներու համար սահմանուած սովորական պահանջները։
Փութին յայտարարած է, որ ուժանիւթերու գիներու բարձրացումը Հայաստանի համար պիտի յանգեցնէ համախառն ներքին արդիւնքի (ՀՆԱ) առնուազն 14 առ հարիւր կորուստի։
Ան նաեւ նշած է, որ Ռուսիան կը ցանկար, որ Հայաստանի մէջ կարելի եղածին չափ շուտ կազմակերպուի հանրաքուէ՝ Եւրոպական Միութեան անդամակցելու կամ Եւրասիական Տնտեսական Միութեան մէջ մնալու հարցով։
