5.09c
Երեվան
հնգ, դկտ 26
Օրերս, Լոս Անճելըսի մէջ իր մահկանացուն կնքած է լիբանանահայ երկրաչափ եւ Mouradian Trading Co.-ի նախագահ՝ Հրայր Մուրատեանը։
Հանգուցեալը եղած է Հայկազեան Համալսարանի Տնօրէններու խորհուրդի անդամ, երկարամեայ նուիրեալ հոգաբարձու, որոշ շրջանի մը համար նաեւ հոգաբարձութեան նախագահ:
Այս մասին իմացանք Հայկազեան Համալսարանի պաշտօնական կայքէն։
Ստորեւ՝ հրապարակուած մահագրականը՝
Հայկազեան համալսարանի մեծ ընտանիքը կը ցաւակցի իր վաղեմի խորհուրդի անդամ Պարոն Հրայր Մուրատեանի մահուան առիթով: երկրաչափ եւ Mouradian Trading Co.-ի նախագահը, իր յաւիտենական հանգիստը մտաւ երկուշաբթի, 18 նոյեմբեր 2024-ին, Լոս Անճելըսի մէջ:
Պարոն Մուրատեանի ժառանգութիւնը Հայկազեան համալսարանէն ներս կը յատկանշուի իր նուիրուած եւ անխոնջ ծառայութեամբ: 1978-2018 թուականներուն ան ծառայած էր որպէս Տնօրէններու խորհուրդի անդամ, իսկ աւելի ուշ՝ 2001-2009թ. որպէս հոգաբարձութեան նախագահ:
Պարոն Մուրատեան իր պաշտօնավարման ընթացքին, հակառակ անոր որ կ’ապրէր Լիբանանէն դուրս, բայց կրցած էր դրսեւորել բացառիկ ըմբռնում լիբանանեան համայնքի կարիքներուն եւ Հայկազեան համալսարանի առաքելութեան: Անոր անսասան աջակցութիւնը, զուգորդուած անոր իմաստութեամբ եւ ուշագրաւ զուարթամտութեամբ, մնայուն հետք ձգեցին բոլոր անոնց վրայ, որոնք կ’աշխատէին անոր կողքին: Անոր անձնաւորութիւնը ջերմութիւն եւ հմայք կը բերէր իր ծառայութեան բոլոր ոլորտներուն մէջ:
2010 թուականին Պէյրութի Խնամակալութեան խորհուրդի կողմէ պարգեւատրուելէ ետք, Հայկազեան համալսարանը պատիւն ունեցաւ դարձեալ նշելու Պարոն Մուրատեանի ներդրումները 2019 թուականին, Լոս Անճելըսի մէջ տեղի ունեցած յատուկ հաւաքի մը ընթացքին, որ կազմակերպուած էր Հոգաբարձուներու խորհուրդին եւ Լոս Անճելըսի Հայկազեանի շրջանաւարտից միութեան կողմէ։ Այս միջոցառումը ծառայեց որպէս վկայութիւն խոր յարգանքի եւ երախտագիտութեան, անոր բերած տասնամեակներու ծառայութեան եւ նուիրումին:
Թող Հրայր Մուրատեանի յիշատակը ոգեշնչէ մեզ բոլորս շարունակելու այն աշխատանքը, որ ան այնքան նուիրումով կատարեց, վառ պահելով մեր հաւաքական տեսլականը Հայկազեան համալսարանի առաքելութեան:
----
