5.09c
Երեվան
ուրբ, նմբ 22
Վերին Լարսի անցակէտի մօտ աւելի քան 400 հայկական բեռնատար կը սպասէ ռուս-վրացական սահմանը հատելուն։ Տեղեկութիւնը յայտնած է Հիւսիսային Օսեթիայի ճանապարհային երթեւեկութեան կազմակերպման կեդրոնը։
Ելեկտրոնային հերթին 1405 բեռնատար կայ, որոնցմէ 439-ը հայկական համարանիշերով են։
Այս պահուն անցակէտը բաց է բոլոր փոխադրային միջոցներու համար։
Բեռնատարներու կուտակումները կապուած են Մցխեթա-Ստեփանծմինդա-Լարս միջազգային նշանակութեան մեքենաներու ճանապարհի Կուտաուրի-Քոպի հատուածին մէջ եղանակային պայմաններու վատթարացման հետ:
Յիշեցնենք` Վրաստանը Մցխեթա–Ստեփանծմինդա–Լարս ճանապարհի ամենավտանգաւոր հատուածը (Կուտաուրի–Քոպի) շրջանցող ճանապարհ կը կառուցէ։ Խօսքը ինը քիլոմեթրանոց փապուղիի մասին է։
Նախագիծով կը նախատեսուի կառուցել 23 քիլոմեթր երկարութեամբ երկշերտ պեթոնէ ճանապարհ, 5 կամուրջ, 5 փապուղի։ Նախագիծի աւարտէն ետք փոխադրային միջոցները Թիֆլիսէն Ստեփանծմինդա (Ռուսիոյ հետ սահմանին) պիտի հասնին 1 ժամ 45 վայրկեանէն (այժմ կը հասնին 2 ժամ 30 վայրկեանէն)։ Այդպիտով մեքենաներու անխափան երթեւեկութիւն պիտի ապահովուի ամբողջ տարուան ընթացքին:
