-2.91c
Երեվան
ուրբ, փտր 21
Օրերս Հալէպի մէջ իր մահկանացուն կնքած է Սուրիոյ ՀՄԸՄ-ի մեծ ընտանիքի անդամ, նուիրեալ միութենական Վիգէն Մարաշլեանը։
Ասոր մասին «Արեւելք» տեղեկութիւն քաղեց Սուրիոյ ՀՄԸՄ-ի պաշտօնական էջէն։
Ստորեւ հրապարակուած հակիրճ մահագրականը։
Հ.Մ.Ը.Մ.ի Սուրիոյ Շրջ. Վարչութիւնը սրտի խոր կսկիծով կը գուժէ միութեան «Ծառայութեան» շքանշանակիր եւ վաստակաշատ Հ.Մ.Ը.Մ.ական`
ԵՂԲ. ՎԻԳԷՆ ՄԱՐԱՇԼԵԱՆ-ի
մահը, որ պատահեցաւ Երեքշաբթի, 4 Փետ. 2025-ին, Հալէպի մէջ։
Եղբ. Վիգէն Մարաշլեան եղած է սկաուտ, Հալէպի մասնաճիւղի Սկաուտ խորհուրդի անդամ, ապա Սուրիոյ Շրջանային Սկաուտ խորհուրդի անդամ։
Հ.Մ.Ը.Մ.ի Սուրիոյ Շրջ. Վարչութիւնը 2024-ին զինք գնահատած է «Ծառայութեան» շքանշանով։
Մեր ցաւակցութիւնները կը յայտնենք հաւատաւոր եղբօր ընտանիքին եւ հարազատներուն:
Յիշատակը անթառամ կը մնայ Հ.Մ.Ը.Մ.ական սերունդներուն մէջ:
