Միացեալ Նահանգներ-(«Ալ Հայեաթ»- Լոնտոն) Ըստ «Ալ Հայեաթ»ին Նիւ Եորք նահանգի ոստիկանութիւնը յայտնած է, թէ ծնողներ մինչեւ մահ ծեծած են իրենց 19 տարեկան զաւակը: Աղբիւրը նաեւ կը հաղորդէ, թէ սպանեալին դէմ նախապէս չծրագրուած սպանութեան ամբաստանութիւն ուղղուած է, երբ անոնք ժամեր ծեծած են զայն ընտանեկան, խրատական նիստի մը ընթացքին, հեռաւոր շրջան մը գտնուող եկեղեցւոյ մէջ:Ամոլը Պրոս եւ Դիպորա Լիոնարտ (65 եւ 59 տարեկան), որոնց սպանութեան ամբաստանութիւնը յղուեցաւ Երեքշաբթի օր, հերքած են իրենց սխալ գործած ըլլալը: Անոնք կալանքի տակ պիտի մնան մինչեւ իւրաքանչիւրը վճարէ 100 հազար տոլար:Եկեղեցւոյ չորս անդամներ, Կիրակի օր ամբաստանեցին, թէ Շատուիքսի, Նիւ Եորքէն 80 քլմ. հեռու, Սիրաքիւզ քաղաքին հարաւը գտնուող «Վուտ աֆ լայֆ» եկեղեցւոյ մէջ զոհին փոքր եղբայրը յարձակումի ենթարկուեցաւ: Նիու Հարվըրտի ոստիկանապետ Մայքըլ Անսերա ըսաւ, թէ «եղբայրները ժամեր ծեծի ենթարկուեցան, որպէսզի խոստովանին մեղքերը եւ թողութիւն խնդրեն»:Ոստիկանութիւնը ըսաւ, որ մեծ եղբայրը Լուքաս Լիոնարտ մահացաւ հիւանդանոց փոխադրուելէ ետք, ընտանիքի անդամներէն տեղեկութիւն փոխանցուեցաւ, թէ ան փամփուշտով վիրաւորուած էր: Նիու Հարվըրտի եւ Նիւ Եորք նահանգի ոստիկանութիւնը հետազօտութիւններ կը կատարէ այս ուղղութեամբ: Եկեղեցւոյ անդամներուն հետ տեղի ունեցած տեսակցութիւններէն, ոստիկանութիւնը իմացած է, թէ 17-ամեայ Քրիստոֆըրը, ննջեցեալին փոքր եղբայրը, խրատական նիստի ընթացքին սաստիկ ծեծի ենթարկուած է, այս նիստերը ընդհանրապէս տեղի կ'ունենան աղօթքի արարողութենէն ետք, գլխաւորութեամբ եկեղեցականի կամ այլ եկեղեցւոյ անդամի:Ոստիկանութիւնը յայտարարեց, որ հաւանական է ըլլան այլ ամբաստանութիւններ եւ ձերբակալուին այս հարցին հետ առնչութիւն ունեցող այլ մարդիկ: