image

Սիրուած ուսուցիչ Մայքըլ Զաքարեանի մահը՝ Երուսաղէմի մէջ

Սիրուած ուսուցիչ Մայքըլ Զաքարեանի մահը՝ Երուսաղէմի մէջ

Օրերս Երուսաղէմի մէջ իր մահկանացուն կնքած է համայնքի սիրուած ուսուցիչներէն՝ Մայքըլ Զաքարեան։

Այս մասին «Արեւելք» տեղեկացաւ Երուսաղէմէն։

Կը նշուի, որ Զաքարեան երկար տարիներ ծառայած է Երուսաղէմի Սրբոց Թարգմանչաց վարժարանին մէջ, որպէս ուսողութեան (թուաբանութեան) կարող եւ միաժամանակ՝ սիրուած ուսուցիչ։

Զաքարեանի կորուստին մասին հակիրճ գրառում մը կատարած է Թարգմանչաց վարժարանի դիմատետրեան էջը, ուրկէ ալ կը ներկայացնենք Զաքարեանի անցած ուղին բնորոշող հիմնական կէտերը։ 

Սրբոց Թարգմանչաց Վարժարանի Տեսչութիւնը, ուսուցչական կազմը եւ աշակերտութիւնը, սրտի խոր ցաւով կը գուժէ վարժարանիս երկարամեայ եւ վաստակաւոր ուսուցիչ Պրն. Մայքըլ Զաքարեանի մահը, որ պատահեցաւ այսօր Երեքշաբթի Յունուար 30-ին:

Պրն. Մայքըլը երկար տարիներ պաշտօնավարած է որպէս ուսողութեան ուսուցիչ երկրորդական դասարաններու, իր ուրախ եւ զուարճալի մօտեցումը միշտ դրական ուժ հաղորդած է իր աշակերտներուն ,գործընկերներուն եւ ընկերներուն։

Իր ժպիտը մեր յիշողութիւններուն մէջ դալար պիտի մնայ։ 

Սրբոց Թարգմանչացը դառնօրէն կը սգայ իր սիրելի ուսուցիչին մահը:

Մեր խորին ցաւակցութիւնները կը փոխանցենք հանգուցեալին ընտանիքին եւ հարազատներուն:

Յիշատակն Արդարոց Օրհնութեամբ Եղիցի

Նշենք նաեւ, որ  Զաքարեանի կորուստին իր վշտակցութիւնը յայտնած է Երուսաղէմի ՌԱԿ-ի  երիտասասրդաց թեւը՝ ՀԵՄ-ը,  Զաքարեանը համարելով միութեան հաւատարիմ եւ յարգուած  համակիրներէն մին։

ՄԱՀԱԶԴ 

ՀԵՄ-ի վարչութիւնը կը գուժէ մահը Սաղիմահայ եւ Միութեանս համակիր Մայքլ Զաքարեանի որ տեղի ունեցաւ Երեքշաբթի, 30 Յունուար 2024-ին։ Տիար Մայքլ Զաքարեանը երկար տարիներ եղած է ուսուցիչ Սրբոց Թարգմանչաց եւ Ժառանգաւորաց վարժարաննրէն ներս ինչպէս նաեւ միութեանս գործունէութիւններու քաջալերող եւ մասնակցող։ 

Այս առթիւ ՀԵՄ-ի վարչութիւնը իր խորազգաց ցաւակցութիւնները կը յայտնէ Տիար Մայքլի կնոջ եւ աղջկան Մարօ եւ Նաթալի Զաքարեաններուն ինչպէս նաեւ բոլոր ընտանեկան պարագաներուն։ 

Թաղման արարողութեան հետ կապուած բոլոր մասնրամասնութիւնները կը տեղադրուին շուտով։ 

Աստուած Հոգին Լուսաւորէ ✝️🙏