1.09c
Երեվան
հնգ, դկտ 12
Ռուսիոյ Դաշնութեան մօտ Հայաստանի նորանշանակ դեսպան Գուրգէն Արսէնեան ոգիով ու մտածելակերպով աւելի մօտ է Փաշինեանին, քան հեռացող Վաղարշակ Յարութիւնեանը: Այս մասին ըսած է Տումայի Անկախ Պետութիւններու Համագործակցութեան (ԱՊՀ) գործերով, եւրասիական համարկման եւ հայրենակիցներու հետ կապերու յանձնաժողովի նախագահի առաջին տեղակալ Կոնսթանթին Զատուլին:
Անոր կարծիքով՝ Յարութիւնեանը Փաշինեանի խումբին ներառած էին բացառապէս Ռուսիոյ բարեկամի համբաւի համար, որ Մոսկուայի մէջ անոր ներկայութեամբ «քօղարկեն» Երեւանի արտաքին քաղաքականութեան փոփուխութիւնը:
«Այժմ ես որեւէ պատճառ չեմ տեսներ Ռուսիոյ ղեկավարութեան եւ Փաշինեանի դաշնակից հանդիսացող նոր դեսպանի միջեւ որեւէ վստահութիւն ի յայտ գալու։ Ձեւական քաղաքավարութիւն, ի հարկէ, կը պահպանուի, բայց ոչ աւելին»,- վստահ է Զատուլին։
Յիշեցնենք, որ Ազգային Ժողովի նախկին պատգամաւոր Գուրգէն Արսէնեան 14 օգոստոսին Հայաստանի Հանրապետութեան Նախագահի հրամանագիրով նշանակուած է Ռուսիոյ Դաշնութեան մօտ Հայաստանի Հանրապետութեան արտակարգ եւ լիազօր դեսպան:
