Ռուսիան պատրաստ է շարունակելու բանակցութիւնները Ուքրանիոյ հետ, զանոնք սառեցնելու նախաձեռնութիւնը կու գայ Քիեւէն: Այս մասին յայտարարած է Քիեւի հետ բանակցութիւններուն մէջ ռուսական պատուիրակութեան ղեկավար Վլատիմիր Մետինսքին:
«Արեւմուտքը կը ձգտի հնարաւորինս ստրկացնել Ուքրանիան, ֆինանսական կախուածութեան մէջ պահել: Մեր կողմէ մենք պատրաստ ենք շարունակելու երկխօսութիւնը: Բայց ես եւս մէկ անգամ շեշտած եմ` խաղաղ բանակցութիւններու շարունակման գնդակը ուքրանական կողմն է: Բանակցութիւններու սառեցումը ամբողջութեամբ Ուքրանիոյ նախաձեռնութիւնն է», ըսած է Մետինսքին: