0.09c
Երեվան
երկ, մրտ 09
Ատրպէյճանական լրատուամիջոցներու հաղորդմամբ՝ ռուսական հացահատիկի եւս մէկ խմբաքանակ ուղարկուած է Հայաստան՝ Ատրպէյճանի եւ Վրաստանի տարածքով։
Բեռնափոխադրման շրջածիրէն ներս Երեւան ուղարկուած է եօթ վակոնէ բաղկացած գնացք, որ կը տեղափոխէ 488 թոն ռուսական հացահատիկ։ Առաքումը կատարուած է Պալաճարայի կայարանէն։ Երթուղին կ՚անցընի Վրաստանի սահմանով Պէյուք-Քեասիք կայարանով, որու վերջնական նպատակակէտը Հայաստանի մէջ է։
Աւելի վաղ՝ փետրուար 4-ին, արդէն իրականացուած էր գիւղմթերքի նմանատիպ տարանցիկ բեռնափոխադրում։ Այդ ժամանակ Ատրպէյճանի տարածքով Հայաստան տեղափոխուած էր 560 թոն ռուսական հացահատիկ։
