-4.91c
Երեվան
երկ, դկտ 23
9 Յունիսին, Սոչիի մէջ հանդիպում ունեցան Ռուսիոյ նախագահ Վլատիմիր Փութին եւ Հայաստանի վարչապետ Նիկոլ Փաշինեան: Վերջինս նշեց, թէ Արցախի մէջ մարդասիրական իրավիճակը կը շարունակէ լարուած մնալ։ Այս մասին կը յայտնած է վարչապետի աշխատակազմի տեղեկատուութեան վարչութիւնը:
«Այսօր եւս կը քննարկենք երկկողմ օրակարգի եւ տարածաշրջանային հարցեր: Կը քննարկենք նաեւ ռուսական խաղաղապահների պատասխանատուութեան գօտում` Լեռնային Ղարաբաղում իրավիճակը, ցաւօք այնտեղ հումանիտար (մարդասիրական) իրավիճակը շարունակում է լարուած մնալ: Լեռնային Ղարաբաղում արդէն մի քանի ամիս չկայ գազ եւ էլեկտրաէներգիա, Լաչինի միջանցքում իրավիճակը շարունակում է մնալ բաւականին լարուած: Իմիջիայլոց, պէտք է ընդգծեմ, որ այժմ մթերքների մատակարարումները Լեռնային Ղարաբաղ իրականացւում է ռուսական խաղաղապահների աջակցութեամբ, դա սահմանափակ քանակի մթերքներ են: Հումանիտար ճգնաժամը Լեռնային Ղարաբաղում շարունակւում է եւ դա նոյնպէս շատ կարեւոր հարց է ու վստահ եմ այսօր կը քննարկենք», ըսած է Փաշինեան։
Փութին ուրախութիւն յայտնած է, որ 9 Յունիսի զանազան նախաձեռնութիւններու ծիրին մէջ (Եւրասիական միջկառավարական խորհուրդի եւ ԱՊՀ կառավարութիւններու ղեկավարներու խորհուրդի նիստեր) կարելիութիւն ստեղծուած է անգամ մը եւս խօսելու երկկողմ յարաբերութիւններու ընթացիկ իրավիճակին եւ տարածաշրջանային հարցերու մասին:
Տեղի ունեցած է նաեւ Եւրասիական միջկառավարական խորհուրդի եւ ԱՊՀ կառավարութիւններու ղեկավարներու խորհուրդի նիստերու մասնակիցներու հանդիպումը ՌԴ նախագահի հետ:
