image

Փաշինեան կարեւորած է վարչապետ Օլաֆ Շոլցի ներդրումը

Փաշինեան կարեւորած է վարչապետ Օլաֆ Շոլցի ներդրումը

Վարչապետ Նիկոլ Փաշինեան ընդունած է Գերմանիոյ Պունտեսթագի իրաւական հարցերու յանձնաժողովի նախագահ Էլիզապէթ Վինքելմայեր-Պեքերի գլխաւորած պատուիրակութիւնը:

Վարչապետը ողջունած է պատուիրակութեան այցը Հայաստան եւ ընդգծած Գերմանիոյ հետ համագործակցութիւնը հետեւողական կերպով զարգացնելու եւ ընդլայնելու կարեւորութիւնը: Նիկոլ Փաշինեանը նշած է, որ վերջին տարիներուն քաղաքական, տնտեսական փոխգործակցութիւնը կը կրէ աշխուժ բնոյթ եւ ընդգծած է երկկողմ բարձր մակարդակի, ինչպէս նաեւ միջխորհրդարանական երկխօսութեան փաստը:

Վարչապետը շեշտած է Գերմանիոյ աջակցութիւնը մեր երկրի մէջ ժողովրդավարական բարեփոխումներու արդիւնաւէտ առաջմղման, ինչպէս նաեւ Հարաւային Կովկասի մէջ խաղաղութեան ու կայունութեան ապահովման գործոին մէջ: Այս առումով, Նիկոլ Փաշինեանը կարեւորած է վարչապետ Օլաֆ Շոլցի ներդրումը Հայաստան-Ատրպէյճան խաղաղութեան գործընթացին, ինչպէս նաեւ ընդգծած նախորդ տարուան աշնան Կրանատայի մէջ Գերմանիոյ վարչապետի, Ֆրանսայի նախագահի, Եւրոպական խորհուրդի նախագահի եւ իր քառակողմ յայտարարութեամբ ամրագրուած սկզբունքներու կարեւորութիւնը:

Զրուցակիցները միտքեր փոխանակած են Հայաստան-Գերմանիա, Հայաստան-Եւրոպական միութիւն համագործակցութեան խորացման, Հայաստան-Ատրպէյճան սահմանին ԵՄ քաղաքացիական առաքելութեան գործունէութեան եւ այլ հարցերու շուրջ: