32.09c
Երեվան
երք, օգս 18
Վարչապետ Նիկոլ Փաշինեան Մոլտովա կատարած աշխատանքային այցի շրջածիրէն ներս ռումինահայ դիւանագէտ, առեւտրական գործիչ Մանուկ Բէյի պալատին մէջ հանդիպում ունեցած է տեղի հայ համայնքի ներկայացուցիչներու հետ: Այս մասին յայտնած է անոր մամուլի ծառայութիւնը։
«Վարչապետը մանրամասներ է ներկայացրել Քիշնեւում տեղի ունեցած իր, Ֆրանսայի նախագահի, Գերմանիայի կանցլերի, Եւրոպական խորհրդի նախագահի եւ Ադրբեջանի նախագահի հնգակողմ հանդիպման վերաբերեալ:
Նիկոլ Փաշինեանը պատասխանել է նրանց բազմաթիւ հարցերին, որոնք վերաբերել են Հայաստանի եւ Ադրբեջանի միջեւ սահմանների դելիմիտացիային, սահմանագծից զօրքերի հայելային ետքաշման հնարաւորութեանը, Հայաստանի տնտեսական զարգացմանը եւ այլ թեմաների:
Վարչապետ Փաշինեանը հանդիպում է ունեցել նաեւ ուկրանահայ մի խումբ գործարարների հետ: Քննարկուել են Հայաստանում տարբեր ուղղութիւններով գործունէութիւն ծաւալելու հնարաւորութիւնները:
Վարչապետի աշխատանքային այցը Մոլդովայի Հանրապետութիւն աւարտուել է»,-ըսուած է հաղորդագրութեան մէջ:
