18.09c
Երեվան
հնգ, ապր 30
Գերեվարուած հայ զինծառայողներու ծնողներն ու հարազատները 24 Յունիսին բողոքի արշաւ կայացուցած են Հայաստանի կառավարութեան շէնքի դիմաց:
Ցուցարարներէն մէկուն համաձայն՝ իշխանութիւնները անընդհատ կ'ըսեն, որ պէտք է քիչ մըն ալ սպասել, որ՝ գերիները հաստատ տուն կը վերադարձնեն, եւ որ այս պահուն բանակցութիւններ կ'ընթանան: «Բայց ես այլեւս չեմ կարող սպասել, համբերութիւն չունեմ: Վերջ, այլեւս չեմ դիմանում, եօթ ամիս դիմացայ»,- ըսած է ծնողներէն մէկը:
Անոնք նաեւ կասկած յայտնած են, որ գերութեան մէջ գտնուող իրենց երեխաները կը կարողանան դիմանալ երկու ամիս եւս, ինչպէս յայտարարած էր հանրապետութեան վարչապետի պաշտօնակատար Նիկոլ Փաշինեանը: «Իրավիճակն էլ աւելի է վատացել: Այն ժամանակ նրանց դէմ գոնէ քրէական գործեր չէին յարուցում, դատական վճիռներ չէին կայացնում, բայց հիմա նրանք մեղադրուում են ահաբեկչութեան մէջ եւ կարող են բանտ նստել: Մի՞թէ մենք ահաբեկիչներ ենք դաստիարակել»,- ըսած է գերիներէն մէկուն հայրը:
Կիներէն մէկը, իր հերթին շեշտած է, որ իրենց երեխաները գացած են հայրենիքը պաշտպանելու, իսկ Հայաստանի իշխանութիւնները ոչ մէկ ձեւով կը պաշտպանեն իրենց քաղաքացիներու իրաւունքները: «Այդ տղաների կեանքը ոչ ոքի չի հետաքրքրում, նրանց ապագան չի հետաքրքրում: Ասում են, որ կայ ապագայ («Քաղաքացիական պայմանագիր» կուսակցութեան կարգախօսը Հայաստանի մէջ վերջերս կայացած արտահերթ խորհրդարանական ընտրութիւններուն - խմբ.): Այդ ի՞նչ ապագայ է. Բաքուի բա՞նտը: Դա՞ է որդուս ապագան»,- ըսած է ատրպէյճանցիներու կողմէ գերեվարուած զինուորի մայրը:
