11.09c
Երեվան
երկ, մյս 13
Տավուշում ցուցարարներին միացած զինվորականների նկատմամբ նախաձեռնվել է քրեական վարույթ։ Տեղեկությունը հայտնում է ՀՀ քննչական կոմիտեն` հրապարակելով տեսանյութ, որտեղ զինվորականները ներողություն են խնդրում իրենց քայլի համար։
Ավելի վաղ հայտնել էինք, որ համացանցում տեսանյութ է տարածվել Տավուշի մարզի Կիրանցում տեղի ունեցող քաղաքական ակցիային զինվորական համազգեստով անձանց միանալու վերաբերյալ:
Քննչական կոմիտեի հրապարակած տեսանյութում զինծառայողներից Ասատուր Չոբանյանը վստահեցնում է, որ ցուցարարների մոտ գնացել են պահի ազդեցության տակ, որի համար զղջում են ու խնդրում այդ ամենը չքաղաքականացնել։
Մյուս զինծառայող Ֆելիքս Բալինյանն էլ ասում է, որ իրենք կապ չունեն ցուցարարների հետ։
«Մեր այնտեղ հայտնվելը պատահականություն էր, ու մեր արածի համար զղջում ենք, խնդրում ենք ձեր նորողամտությունը»,– ասում է նա։
Տեղի ուենցածի մասին ՔԿ–ից հայտնում են մանրամասներ, ըստ որոնց` ապրիլի 26-ին` ժամը 23:30-ի սահմաններում, ՀՀ ՊՆ N զորամասի զինծառայողներ՝ սպա Ա.Չ.-ն և ենթասպա Ֆ.Բ.-ն, համացանցից տեղեկանալով Ոսկեպար-Կիրանց ավտոճանապարհին խմբված ցուցարարների և ոստիկանության միջև տեղի ունեցած միջադեպի մասին, առաջարկել են նույն զորամասի զինծառայողներ՝ ենթասպա Ա.Դ.-ին, շարքային կազմի պայմանագրային զինծառայողներ Ա.Ա.-ին, Ա.Բ.-ին, Գ.Ս.-ին, Ա.Բ.-ին, Կ.Ս.-ին, Է.Մ.-ին, Դ.Զ.-ին, Ս.Մ.-ին, Ա.Գ.-ին. Հ.Ղ.-ին, Ա.Հ.-ին և Գ.Թ.-ին մեկնել տվյալ տեղանք՝ տեղում իրավիճակին ծանոթանալու համար։ Տեղ հասնելուն պես անսպասելիորեն ցուցարարներից ոմանք հայտարարել են, թե իբր իրենք միացել են նրանց և վայր են դրել զենքերը, իսկ տեղում գտնվող լրագրողները սկսել են նկարահանել իրենց:
ՀՀ ՊՆ-ն փորձում է պարզել Կիրանցում ակցիային միացած համազգեստով անձանց ինքնությունը
«Հասկանալով, որ տեղում որևէ արտառոց իրավիճակ չկա՝ կարճ ժամանակ անց հեռացել են խմբված ցուցարարների մոտից: ՀՀ քննչական կոմիտեն հայտարարում է, որ ցուցաբերելու է հետևողականություն և զինվորական ծառայության կարգի դեմ ուղղված յուրաքանչյուր հանցագործության դեպքով կատարելու է ՀՀ օրենսդրությամբ նախատեսված իր գործառույթները»,– նշված է հաղորդագրության մեջ:
Դեպքի առթիվ նախաձեռնված քրեական վարույթ` ՀՀ քրեական օրենսգրքի 529-րդ հոդվածի 2-րդ մասի 1-ին և 2-րդ կետերի և 46-529-րդ հոդվածի 2-րդ մասի 1-ին և 2-րդ կետերի հատկանիշներով։
