Նախօրօք լուր հրապարակուած էր Արարատի մարզի Այգեպատ գիւղի բնակիչ՝ 61-ամեայ Հենրիկ Աղեկեանի մասին, որ հատելով հայկական սահմանը անցած էր ազրպէյճանական կողմ:
Այս մասին յաւելեալ տեղեկութիւն կը հրպարակէ NEWS.am կայքը, յատնելով, թէ Աղեկեան Այգեպատ գիւղի մէջ իր եղբօր ընտանիքի հետ կը բնակէր: Այգեպատի գիւղապետ Սերյոժա Պետրոսեան Նյուզ-ին նաեւ յայտնած է, որ Հենրիկ Աղեկեան հոգեկան խնդիրներ ունի, ան յաճախ յիշողութեան կորուստներ ունեցած է: Անոր հաղորդմամբ, այս առաջին անգամը չէր, որ Աղեկեան օրերով կ'անհետանար: «Մի քանի դէպք եղել է: 2-3 օրով կորել է, գնացել, գտել, բերել են»,-ըսած է գիւղապետը :
Նշենք, որ ՀՀ Գերիներու, պատանդներու եւ անյայտ կորածներու հարցերով զբաղուող յանձնաժողովի աշխատանքային խումբի ղեկավար Արմէն Գաբրիէլեանի խօսքով՝ Կարմիր խաչը որեւէ պաշտօնական տեղեկութիւն դեռ չէ տրամադրած:
Միացիր մեզ Տելեգրամում
Միացիր մեզ Յութուբում
Կիսուիլ
