-1.91c
Երեվան
երք, հնվ 20
Այսօր միջազգային յարաբերութիւնները կը մտնեն նոր փուլ. ցաւօք, այս փուլին այլեւս կը գերակշռէ ոչ թէ օրէնքի գերակայութիւնը, այլ ուժի գերակայութիւնը: Մենք սա յստակ կը տեսնենք աշխարհի տարբեր տարածաշրջաններու մէջ, յայտարարած է Իլհամ Ալիեւը Տաւոսի մէջ Euronews-ին տուած հարցազրոյցի ժամանակ:
«Որեւէ երկիր, այդ շարքին՝ Ատրպէյճանը, պէտք է մտածէ իր հարեւան երկիրներու մէջ կայունութեան մասին: Ատրպէյճանի հետ կապուած, մենք չունինք որեւէ հնարաւոր վտանգ երկրին մէջ: Բոլոր հնարաւոր վտանգները հնարաւոր են դուրսէն: Մենք մտահոգուած էինք Իրանի մէջ տիրող անկայունութենէն եւ մեզի համար կայունութիւնը, կանխատեսելիութիւնը եւ խաղաղութիւնը տարածաշրջանին մէջ շատ կարեւոր է», -ըսած է Ատրպէյճանի նախագահը:
Ան նշած է, որ ուժանիւթի շուկային մէջ նաւթի գինը կայուն է:
«Այն պատշաճ մակարդակի վրայ է եւ այդ ցոյց կու տայ, որ իրավիճակն Իրանի, Վենեզուելայի եւ այլ երկիրներու մէջ լրջօրէն չազդեր գիներուն: Յոյսով եմ, որ իրավիճակը Հարաւային Կովկասի մէջ եւ անկէ դուրս չի վատթարանար», - նշած է Ալիեւը:
Անոր խօսքով՝ Ատրպէյճանը բնական կազ կը մատակարարէ արդէն 16 երկիր եւ անոնցմէ 10-ն Եւրոպական Միութեան անդամ երկիրներ են եւ այս ցուցանիշերով Ատրպէյճանը կազի թիւ մէկ մատակարարն է աշխարհի մէջ:
