22.09c
Երեվան
երք, հլս 22
Միացեալ Նահանգները մտադիր չէ մեծցնել իր ռազմական ներկայութիւնն աշխարհի ոչ մէկ կէտի մէջ: Այս մասին յայտարարած է Թուրքիոյ մէջ ԱՄՆ դեսպան եւ Սուրիոյ հարցով ԱՄՆ յատուկ բանագնաց Թոմ Պարաքը Պէյրութի մէջ տեղի ունեցած մամուլի ասուլիսին:
«Մենք այլեւս զօրքեր պիտի չմտցնենք որեւէ տեղ՝ թշնամական մտադրութիւններով», -ըսած է Պարաքը:
Ան նաեւ նշած է, որ երբ հարցը կը վերաբերի Իսրայէլի եւ Լիբանանի միջեւ հակամարտութեան, ապա ԱՄՆ-ն չի կրնար Իսրայէլին ստիպել որեւէ բան ընել:
«ԱՄՆ-ի գործը չէ փորձել Իսրայէլին հարկադրել որեւէ բան ընել.... Ամերիկան կրնայ միայն ազդեցութիւն գործել», - նշած է պաշտօնեան։
ԱՄՆ յատուկ բանագնացը Լիբանան ժամանած է յուլիս 20-ին՝ տեղեկանալու Իսրայէլի եւ «Հըզպալլա»-ի միջեւ հրադադարի պահպանման մասին: Երկու շաբթուան ընթացքին սա Պարաքի արդէն երկրորդ այցն է Լիբանան:
